HNGAKCHIA PA KUM(8) NIH KUM (61) NU A THIT

Tshwane, South Africa um mi kum(8) lawng asi i sianginn a kai lio mi pa Sanele Masilela nih kum( 61) asi cang i fa panga an ngei cangmi nu Helen Shabangu he tthitum nak a tuah tiah SAM WcdEBB nih a ttial. Hi pa nih a chimnak ahcun an pupa thlarau (Ghost) nih nupi tthit dingin a ka fialmi asi tiah a ti.

 An puai i a chuakmi minung 100 hmai ah zungbunh ( ring) thlennak an ngei i hngakchia pa nih cun a nupi kum (61) nu cu a hnamh.

Sanele anu kum(46) asi cangmi nih cun hi bantuk thil a cangmi hi kan chungkhar ah avoi khatnak a si i a pu nih a thih hlan ah nupi tthit dingin a fial tikah Snele nih cun Helen hi ai thim a ruang cu a duh ve ruangah a si ko tiah ati. Hi thil kan tuah ruangah hin kan pupa le lung kan lawmhter ko, tuah lo in um uh sihlaw kan inn chungkhar ah hi nak in a chiadeuh mi thil zong kan fapa nih a chuahpi khawh mi a si.

Hi thil kongah hin lungtthat lo nak le buibainak zeihmanh a um lo, a rung cu kan pupa le nih an duhmi ka theih i an i nuamhnak ding cu a si ve ko tiah ati. Hngakchia inn chungkhar zongnih cun hi thil hi cu a sawhsawh men a si ko i phunglam nih a theihpi mi zong a si lo an ti ve.

Sanela le a nupi cu minthutnak zong an tuah lo i marriage certificate zong an tuah lo, an puai  dih cun hmun khat zongah um lo in an mah le an inn te ah an lawi . Sanele nih cun ka kum a upat deuh tikah cun kei mah kumtluk te a simi nu ka tthit khawh te ko lai tiah kai ruah chan ko, Helen he kan i ngeihmi hi kai lawm ko a si nain sianginn ka kai lai i cafak piin kai zuam lai tiah mipi sinah achim chap.

 Helen zong nih a chim mi cu hi thil kong ah hin buainak zeihmanh a um lo, a ruang cu an pupa hna nih an duh mi kha kan tuah mi a si ko i a tu cu an i lawm ko cang lai . Hi thil hi a tak zong a si lo i kan tuahsawh menmi bantuk khi a si ko hi thil nih a langhter mi cu hmailei ah nupi a tthi te ding a si ti mi hmelhchunhnak  men bantuk a si ko tiah a ti .

Helen a pasal a si mi Alfred (65) zong nih kei le ka fale cu kan i lawm ko, hi thil kong ah hin buaibai ding aum lo. Asinain mi cheukhat pawl tu cu an lau len ko lai tiah a ti ve.

Related Posts :

Leave a Reply

Your email address will not be published. Required fields are marked *

*
*